Saturday, June 4, 2011

ടോയ് ലെറ്റിനെ കുറിച്ചും പറയാനുണ്ട്.


നമ്മുടെ നാട്ടിലെ അനുഭവം അത്ര കേമം അല്ല.
രണ്ട് പതിറ്റാണ്ട് മുമ്പ് വരെ കേരളത്തില്‍ അറ്റാച് ചെയ്ത ടോയ് ലെറ്റുകള്‍ വീടുകളില്‍ സാധാരമല്ലായിരുന്നു ..
കഴിയുന്നത്ര ദൂരത്തില്‍ കക്കൂസുകള്‍ സ്ഥാപിക്കപ്പെട്ടു.പിന്നീടവ അടുത്തടുത്ത് വന്നു .പുരയയ്ക്കകത്ത് കേറി.പിന്നെ കിടപ്പ് മുറിയോടും ചേര്‍ന്നു നിന്നു.വൃത്തി യായി സൂക്ഷിക്കാനുള്ള സംവിധാനങ്ങളും ശ്രദ്ധയും അനിവാര്യ അടുപ്പത്തിന് പിന്നില്‍ ഉണ്ട്. അത്യാവശ്യ കാര്യങ്ങള്‍ സാധിക്കാന്‍ അകലേക്ക്‌ പോകുക അത്ര സുഖമുള്ള കാര്യമല്ലല്ലോ. കുട്ടികളുടെ കാര്യത്തില്‍ പ്രത്യേകിച്ചും.
രണ്ട് പതിറ്റാണ്ട് മുമ്പുള്ള സമീപനമാണ് നമ്മുടെ സ്കൂളുകള്‍ ഇപ്പോഴും പുലര്‍ത്തുന്നത്.അതു മാറണം.

ബ്രിട്ടനിലെ ക്ലാസുകളോട് ചേര്‍ന്നു ടോയ് ലെറ്റുകള്‍ കണ്ടു.അവ ഒറ്റ നോട്ടത്തില്‍ തന്നെ ആകര്‍ഷകം.കുട്ടിത്തം ഉള്ളവ. അതിന്റെ ഫോട്ടോ ഞാന്‍ എടുത്തു.
വൃത്തി മാത്രമല്ല കുട്ടികളുടെ പക്ഷത്ത് നിന്നുള്ള ചിന്തയും അതില്‍ പ്രകടം.
പ്രാഥമിക ആവശ്യങ്ങള്‍ നിറവേറ്റാന്‍ അനുയോജ്യമായ സൌകര്യങ്ങള്‍ ഒരുക്കുന്നതും പാഠങ്ങള്‍ ആണ്.
മറ്റൊരു കാഴ്ചയും കണ്ടു അതു ബഹു ഭാഷകളിലെ ഒരു ബോര്‍ഡാണ്.അതിനും ഒരു സന്ദേശം ഉണ്ട്.